ಸಂಕೀರ್ಣಸಂಹಿತಾ

https://youtu.be/gF5gpK1ybXc?si=nZVNaZJg0l-TLI8t

ಅಗ್ನಿಃ ಕ್ರವ್ಯಾದ್ ಭೂತ್ವಾ ಬ್ರಹ್ಮಗವೀ ಬ್ರಹ್ಮಜ್ಯಂ ಪ್ರವಿಶ್ಯಾತ್ತಿ | (ಅಥರ್ವವೇದ ೧೨.೫.೪೧) (ಬ್ರಹ್ಮಗವೀ) ಬ್ರಹ್ಮಜ್ಞಾನವು / ಬ್ರಾಹ್ಮಣನ ಗೋವು, (ಕ್ರವ್ಯಾದ್ ಅಗ್ನಿಃ ಭೂತ್ವಾ) ಮಾಂಸಭಕ್ಷಕ ಅಗ್ನಿಯಾಗಿ, (ಬ್ರಹ್ಮಜ್ಯಂ) ಬ್ರಹ್ಮಜ್ಞವರಿಷ್ಠನನ್ನು, (ಪ್ರವಿಶ್ಯ) ಪ್ರವೇಶಿಸಿ, (ಅತ್ತಿ) ಆತನ ಪೂರ್ವಕರ್ಮಗಳನ್ನೆಲ್ಲ ತಿಂದುಹಾಕಿಬಿಡುತ್ತದೆ, ಸುಟ್ಟು ಭಸ್ಮಮಾಡುವುದು. “ಬ್ರಹ್ಮವಿದ್ ಬ್ರಾಹ್ಮಣಃ ಸ್ಮೃತಃ” ಎಂಬಂತೆ, ಬ್ರಹ್ಮವಿದನಾಗಿ ಬ್ರಾಹ್ಮಣನೆನಿಸಿದವನನ್ನು, ಆತನ ಜ್ಞಾನಾಗ್ನಿಯು ಪ್ರವೇಶಿಸಿ, ಆತ ಹಿಂದೆ ಮಾಡಿದ ಪುಣ್ಯ-ಪಾಪಕರ್ಮಗಳೆಲ್ಲವನ್ನು ದಹಿಸಿ ಬೂದಿಮಾಡುವುದು. “ಜ್ಞಾನಾಗ್ನಿಃ ಸರ್ವಕರ್ಮಾಣಿ ಭಸ್ಮಸಾತ್ ಕುರುತೇ…” ಎಂಬ ಗೀತಾವಾಕ್ಯದಂತೆ, ಜ್ಞಾನವೆಂಬ ಅಸದೃಶವಾದ, ಹೋಲಿಕೆಯಿಲ್ಲದೆ ಅತುಲನೀಯವೂ ನಿರುಪಮವೂ ಆದ ಬೆಂಕಿಯು (“ನ ಹಿ ಜ್ಞಾನೇನ ಸದೃಶಂ ಪವಿತ್ರಮಿಹ ವಿದ್ಯತೇ”) ವ್ಯಕ್ತಿಯ ಸಂಚಿತಕರ್ಮಗಳನ್ನೆಲ್ಲ ಸುಟ್ಟು, ಆತನನ್ನು ಕರ್ಮಾತೀತ ಮಾಡುತ್ತದೆ.  ಇದರಿಂದ ಆತನ ದೇಹ ಲೌಕಿಕರ ದೃಷ್ಟಿಯಿಂದ ಪ್ರಾರಬ್ಧವನ್ನು (ಈಗಾಗಲೇ ಫಲ ಕೊಡಲಾರಂಭಿಸಿದ ಕರ್ಮವನ್ನು) ಮಾತ್ರ ಪೂರ್ತಿ ಅನುಭವಿಸುವವರೆಗಿದ್ದು, ಬಳಿಕ ಪಂಚಭೂತಗಳಲ್ಲಿ ಲೀನವಾಗುತ್ತದೆ. ಆದರೆ, ಆತನಿಗೆ ಮರಣಾನಂತಪ ಗಮನಾಗಮನವಿರುವುದಿಲ್ಲ. ಆತನು ಬದುಕಿರುವಾಗಲೇ ಜೀವನ್ಮುಕ್ತನಾಗಿದ್ದು, ಮರಣೋತ್ತರದಲ್ಲೂ ವಿದೇಹಮುಕ್ತನೇ ಆಗುವನು. “ಇಲ್ಲಿ ಸಲ್ಲುವವರು ಅಲ್ಲಿಯೂ ಸಲ್ಲುವರಯ್ಯ” ಅಲ...

ಆ ಜಾಗೃವಿರ್ವಿಪ್ರಃ | (ಸಾಮವೇದ ೧೩೫೭) ಬ್ರಾಹ್ಮಣನು ಸದಾ ಜಾಗೃತನಾಗಿರಬೇಕು. ಋಭುರ್ಧೀರ ಉಶನಾ ಕಾವ್ಯೇನ | (ಸಾಮವೇದ ೬೭೯) ಬ್ರಾಹ್ಮಣನು ಸಂಶೋಧಕಪ್ರವೃತ್ತಿಯವನೂ, ವಿದ್ವಾಂಸನೂ ಹಾಗೂ ಕಾವ್ಯರಚನೆಯಿಂದ ಕವಿಯೂ ಆಗಿರುವನು. ಋಷಿರ್ವಿಪ್ರಃ ಪುರ ಏತಾ ಜನಾನಾಮ್ | (ಸಾಮವೇದ ೬೭೯) ಬ್ರಾಹ್ಮಣನು ಮಂತ್ರದ್ರಷ್ಟೃವಾಗಿ ಋಷಿಯೂ, ಜನರ ಅಗ್ರಣಿಯೂ ಆಗಿರುವನು. ವಿಪ್ರಾ ಋತಸ್ಯ ವಾಹಸಾ |  (ಸಾಮವೇದ ೧೩೦೯) ಬ್ರಾಹ್ಮಣರು ಸತ್ಯಧರ್ಮಗಳ ಪ್ರಚಾರಕರಾಗಿರುವರು.

ಕೃಷ್ಣಯಜುರ್ವೇದದಲ್ಲಿ ಬ್ರಾಹ್ಮಣ್ಯ …ಅಗ್ನಿರ್ವ್ರತಪತಿರ್ಬ್ರಾಹ್ಮಣೋ ವ್ರತಭೃತ್… (ತೈ.ಕೃ.ಯಜು.೧.೬.೭) ಅಗ್ನಿಯು ವ್ರತಪತಿಯು. ಬ್ರಾಹ್ಮಣನು ಯಜಮಾನನೂ, ವ್ರತಧಾರಿಯೂ ಆಗಿರುವನು. ಆಗ್ನೇಯೋ ವೈ ಬ್ರಾಹ್ಮಣಃ ಸ ಸೋಮಂ ಪಿಬತಿ (ತೈ.ಕೃ.ಯಜು.೨.೩.೩) ಬ್ರಾಹ್ಮಣನು (ಬ್ರಾಹ್ಮಣನೂ, ಅಗ್ನಿಯೂ ಬ್ರಹ್ಮನ ಮುಖದಿಂದಲೇ ಹುಟ್ಟಿದ್ದರಿಂದ) ಅಗ್ನಿದೇವತಾಸಂಬಂಧಿಯಷ್ಟೆ. ಅವನು ಸೋಮಪಾನವನ್ನು ಮಾಡುತ್ತಾನೆ. (ಇದರಿಂದ ಸೋಮಸಂಬಂಧಿಯೂ ಆಗುತ್ತಾನೆ).   …ಯದಗ್ನಿರ್ಬ್ರಾಹ್ಮಣೇತ್ಯಾಹ ಬ್ರಾಹ್ಮಣೋ ಹ್ಯೇಷ ಭಾರತೇತ್ಯಾಹ… (ತೈ.ಕೃ.ಯಜು.೨.೫.೯) (ಯದ್+ಅಗ್ನಿಃ) ಯಾವ ಅಗ್ನಿಯಿರುವನೋ ಆತನು ಬ್ರಹ್ಮನ / ದೇವತೆಗಳ ಮುಖವಾದ್ದರಿಂದಲೂ (“ಅಗ್ನಿಮುಖಾ ವೈ ದೇವಾಃ”, “ಬ್ರಾಹ್ಮಣೋ ಅಸ್ಯ ಮುಖಮಾಸೀತ್”), ಬ್ರಾಹ್ಮಣನು ವಿರಾಟ್ಪುರುಷನ ಮುಖವಾದ್ದರಿಂದಲೂ, ವಿರಾಟ್ಪುರುಷನ ಮುಖದಿಂದ ಬ್ರಾಹ್ಮಣರು ಹುಟ್ಟಿದ್ದರಿಂದಲೂ, ಅಗ್ನಿಯು ಬ್ರಹ್ಮನ ಮುಖದಿಂದ ಹುಟ್ಟಿದ್ದರಿಂದಲೂ, ಜಾತವೇದನಾದ ಅಗ್ನಿಯು (ಬ್ರಾಹ್ಮಣ ಇತಿ ಆಹ) ಬ್ರಾಹ್ಮಣನೆಂದು (ಬ್ರಾಹ್ಮಣಾಭಿಮಾನಿ / ಬ್ರಾಹ್ಮಣಜಾತಿಯವನೆಂದು) ಬಲ್ಲವರು ಹೇಳುವರು. ಆತನು ಬ್ರಾಹ್ಮಣನೊಡನೆಯೇ ಜನಿಸಿದವನು. (ಬ್ರಾಹ್ಮಣೋ ಹಿ ಏಷಃ) ಇಂತಹ ಬ್ರಾಹ್ಮಣನಾದ ಈ ಅಗ್ನಿಯು, ಹವಿಸ್ಸನ್ನು ಭರಿಸುವುದರಿಂದ (ತುಂಬಿಕೊಳ್ಳುವುದರಿಂದ) (ಭಾರತ ಇತಿ ಆಹ) ಭಾರತನೆನಿಸಿರುವನೆಂದು ತಿಳಿದವರು ಹೇಳುವರು. ಗಾಯತ್ರೀ ಬ್ರಹ್ಮವರ್ಚಸಮ್ (ತೈ.ಕೃ.ಯಜು.೨.೫.೧೦) ...

ಕ್ಷತ್ರಸ್ಯ ತ್ವಾ ಪರಸ್ಪಾಯ ಬ್ರಹ್ಮಣಸ್ತನ್ವಂ ಪಾಹಿ | (ಶುಕ್ಲಯಜುರ್ವೇದ ೩೮.೧೯) ಕ್ಷಾತ್ರಶಕ್ತಿಯ ರಕ್ಷಣೆಗಾಗಿ ಬ್ರಾಹ್ಮಶಕ್ತಿಯ ಸ್ವರೂಪವನ್ನು ರಕ್ಷಿಸು (ಹೇ ಪರಮಾತ್ಮನೆ!).  ಯಾಕೆಂದರೆ, ಉತ್ತಮ ಕ್ಷಾತ್ರಶಕ್ತಿಯು ಲೋಕದ ರಕ್ಷಣೆಗೆ, ಧರ್ಮರಕ್ಷಣೆಗೆ, ದುಷ್ಟಶಿಕ್ಷಣ-ಶಿಷ್ಟರಕ್ಷಣಕ್ಕೆ ಅತ್ಯಗತ್ಯ. ಹಾಗಾಗಿ, ಅಂತಹ ಕ್ಷಾತ್ರದ ರಕ್ಷಣೆ ಆಗಬೇಕಿರುವುದು ಅನಿವಾರ್ಯ. ಬ್ರಾಹ್ಮಶಕ್ತಿಯು ತನ್ನ ಮೂಲಸ್ವರೂಪವನ್ನು ಕಳೆದುಕೊಂಡರೆ ಕ್ಷಾತ್ರವೂ ಹಾಳಾಗುವುದು. ಅದಕ್ಕೋಸ್ಕರ, ಬ್ರಾಹ್ಮಶಕ್ತಿಯ ಮೂಲಸ್ವರೂಪವು ಹಾಗೆಯೇ ಸುರಕ್ಷಿತವಾಗಬೇಕು. ಆಗಲೇ ಲೋಕವು ಧರ್ಮಮಾರ್ಗದಲ್ಲಿ ಮುನ್ನಡೆಯಲು, ಲೋಕದ ಸುಭಿಕ್ಷವೂ ಸಾಧ್ಯವಾಗುವುದು. ಶುದ್ಧ ಬ್ರಾಹ್ಮಶಕ್ತಿಯೂ, ಶುದ್ಧಕ್ಷಾತ್ರತೇಜಸ್ಸೂ ಜೊತೆ ಸೇರಿದರೆ, ಲೋಕದಲ್ಲಿ ಧರ್ಮ-ಶಾಂತಿ-ನೆಮ್ಮದಿಗಳು ಸ್ಥಿರವಾಗುವುವು; ಎಂತಹ ಮಹತ್ತಾದುದನ್ನೂ ಸಾಧಿಸಬಹುದು. ಹಾಗಾಗಿ, ಬ್ರಾಹ್ಮಣ್ಯದ ರಕ್ಷಣೆ ಇದಕ್ಕೆ ಅತ್ಯಂತ ಅವಶ್ಯಕ. ಅದು ಬ್ರಾಹ್ಮಣರಿಂದಲೇ ಆಗಬೇಕಷ್ಟೆ? ಆ ಕಡೆಗೆ ಬ್ರಾಹ್ಮಣರು ಇನ್ನಾದರೂ ಹೆಚ್ಚು ಮಹತ್ತ್ವ, ಗಮನ ಕೊಡುವರೇ? “ಲೋಕಾಃ ಸಮಸ್ತಾಃ ಸುಖಿನೋ ಭವನ್ತು” ಎಂಬುದು ಸತ್ಯವಾಗಬೇಕಲ್ಲವೆ? ಬ್ರಾಹ್ಮಣರು ನಿಸ್ವಾರ್ಥಿಗಳಾಗಿ, ಸ್ವಹಿತ-ಲೌಕಿಕಾಭ್ಯುದಯವನ್ನು ಮಾತ್ರ ನೋಡದೆ, ಬ್ರಾಹ್ಮಣಧರ್ಮದ ರಕ್ಷಣೆಯ ಮೂಲಕ ಲೋಕಹಿತಕ್ಕೂ ಸ್ವಲ್ಪ ಗಮನ ಕೊಡುವಂತಾಗಲೆಂದು ಪರಮಾತ್ಮನಲ್ಲಿ ಪ್ರಾರ್ಥನೆ. ಬ್ರಹ್ಮ ಕ್ಷತ್ರಂ ಪವತೇ | (ಶುಕ್...

ಬ್ರಾಹ್ಮಣ್ಯ || ನಾನಾಗೋತ್ರೇಭ್ಯೋ ಬ್ರಾಹ್ಮಣೇಭ್ಯೋ ನಮಃ 🙏🙏🙏🥰🌹|| ವಿವಿಧ ಗೋತ್ರಜರಾದ ಬ್ರಾಹ್ಮಣಶ್ರೇಷ್ಠರಿಗೆ ನಮಸ್ಕಾರಗಳು. ಜನ್ಮನಾ ಜಾಯತೇ ಜನ್ತುಃ ಸಂಸ್ಕಾರಾದ್-ದ್ವಿಜ ಉಚ್ಯತೇ | ವೇದಾಧ್ಯಯನತೋ ವಿಪ್ರೋ ಬ್ರಹ್ಮವಿದ್ ಬ್ರಾಹ್ಮಣಃ ಸ್ಮೃತಃ || ಹುಟ್ಟಿನಿಂದ ಎಲ್ಲರೂ ಕೇವಲ ಜೀವರು. ಉಪನಯನಾದಿ ಸಂಸ್ಕಾರಗಳಿಂದ ೨ನೆಯ ಜನ್ಮ ಪಡೆದು ದ್ವಿ-ಜರೆನಿಸುತ್ತಾರೆ. ತದ್ ದ್ವಾರಾ ದ್ವಿಜನಾದವನು ವೇದಾಧ್ಯಯನದ ಅಧಿಕಾರ ಪಡೆಯುತ್ತಾನೆ. ವೇದಮಾತೆಯಾದ ಗಾಯತ್ರಿಯ ಉಪದೇಶ ಪಡೆದು, ಸವಿತೃಗಾಯತ್ರಿಯ ನಿತ್ಯೋಪಾಸನೆಯಿಂದ ವೇದಾಧ್ಯಯನಕ್ಕೆ ಅಧಿಕಾರಿಯಾಗುತ್ತಾನೆ. ಬಳಿಕ ವೇದಾಧ್ಯಾಯಿಯಾಗಿ ವಿಪ್ರನಾಗುತ್ತಾನೆ. ಕೊನೆಗೆ, ವೇದ-ವೇದಾಂತಾರ್ಥಾನುಸಂಧಾನದಿಂದ ಬ್ರಹ್ಮಜ್ಞಾನಿಯೂ ಬ್ರಹ್ಮನಿಷ್ಠನೂ ಆಗಿ, "ಬ್ರಹ್ಮವಿದ್ ಬ್ರಹ್ಮೈವ ಭವತಿ" ಎಂಬಂತೆ ಬ್ರಹ್ಮವನ್ನರಿತು ತಾನೂ ಈಗಾಗಲೇ ಬ್ರಹ್ಮವೇ ಆಗಿರುವೆನೆಂಬ ಅರಿವನ್ನು ಹೊಂದಿ ಜೀವನ್-ಮುಕ್ತನೆನಿಸುತ್ತಾನೆ. ಹೀಗೆ ಬ್ರಾಹ್ಮಣನೆನಿಸುತ್ತಾನೆ. ಬ್ರಾಹ್ಮಣರಿಗೆ "ಭೂಸುರರು" ಎಂಬ ಪ್ರಶಂಸೆಯಿದೆ. ಭೂಮಿಯಲ್ಲಿರುವ ಪ್ರತ್ಯಕ್ಷ ದೇವತೆಗಳೆಂಬುದಾಗಿ. ಶ್ರೀಹರಿಯೂ ಹೀಗೆ ಹೇಳಿದ್ದಾನೆ— ದೈವಾಧೀನಂ ಜಗತ್ಸರ್ವಂ ಮನ್ತ್ರಾಧೀನಂ ತು ದೈವತಮ್ | ಮನ್ತ್ರಂ ತು ಬ್ರಾಹ್ಮಣಾಧೀನಂ ಬ್ರಾಹ್ಮಣಾ ಮಮ ದೇವತಾಃ || "ಈ ಜಗತ್ತೆಲ್ಲವೂ ದೇವತೆಗಳ ಅಧೀನ; ಆ ದೇವತೆಗಳು ಮಂತ್ರಗಳ ಅಧೀನರು (ಆಯಾ ದೇವತಾ ಮೂಲಮಂತ್ರ, ಸೂಕ್...

 https://chat.whatsapp.com/LQZLd2x1JAUHRVxAQEjPM6 *🕉️ಹರೇರಾಮ🕉️* *✨ವೇದಗಳಲ್ಲಿ ಜಾತಿ ಪದ್ಧತಿ ಇದೆಯೆ?* ವೇದಗಳಲ್ಲಿ ಜಾತಿ ಪದ್ಧತಿ ಎನ್ನುವುದು ಇಲ್ಲ. ಅರ್‍ಯ ಜನಾಂಗವು ಪರದೇಶದಿಂದ ಭಾರತದ ಮೇಲೆ ದಂಡೆತ್ತಿ ಬಂದು ಇಲ್ಲಿಯ ಜನರನ್ನು ಸೋಲಿಸಿ ಅವರನ್ನು ಆಳುಗಳನ್ನಾಗಿ ಮಾಡಿಕೊಂಡರೆಂಬುದು ಇದುವರೆಗೂ ನಾವು ನಂಬಿದಂತಹ ಅತಿ ದೊಡ್ಡ ಸುಳ್ಳು . ಇದು ವಿದೇಶಿಯರು ಚಿತ್ರಿಸಿದಂತಹ ಸುಳ್ಳು. ನಮ್ಮ ಜನರನ್ನು ಈ ಸುಳ್ಳಿನಿಂದ ನಂಬಿಸಿ, ನಮ್ಮನ್ನು ಬೇರೆ ಬೇರೆ ಮಾಡಿ ತಾವು ಲಾಭವನ್ನು ಪಡೆದುಕೊಂಡರು. ಅವರು ಆಗ ತಮ್ಮ ಸ್ವಾರ್ಥಕ್ಕಾಗಿ ಮಾಡಿದಂತಹ ಸುಳ್ಳನ್ನು ನಂಬಿ, ಈಗಲು ಜನರು ಅಶಾಂತಿ ಇಂದ ಬಾಳುತ್ತಿದ್ದಾರೆ. ಸತ್ಯಾಂಶದಲ್ಲಿ ವೇದವು ಬಸವಣ್ಣನವರು ಹೇಳಿದಂತೆ “ಕಾಯಕವೇ ಕೈಲಾಸ” ಎಂಬುದನ್ನು ಸಾರುತ್ತದೆ. ಯಾವುದೇ ಕೆಲಸವಾನ್ನು ಗೌರವದಿಂದ ಹಾಗು ಪೂಜ್ಯತೆ ಇಂದ ಮಾಡಬೇಕು ಎಂದು ವೇದ ಮಂತ್ರಗಳು ಸಾರುತ್ತದೆ. ಹಲವಾರು ಕಡೆ ದಾಸ / ದಸ್ಯು ಅಥವ ರಕ್ಷಸ್ ಎಂಬ ಪದವನ್ನು ಆರ್‍ಯನ್ನರ ಗುಲಾಮರು ಎಂದು ತಪ್ಪಾಗಿ ಅರ್ಥೈಸಲಾಗುತ್ತಿದೆ. ವಿದೇಶಿಯರ ಈ ತಪ್ಪು ಗೊತ್ತಿಲ್ಲದೆ ಮಾಡಿದಂತಹ ತಪ್ಪಲ್ಲ ಬದಲಾಗಿ ಬೇಕೆಂದಲೇ ಚಿತ್ರಿಸಿದಂತಹ ತಪ್ಪು. ನಾವು ಏಕೆ ಈ ವಿದೇಶಿಯರ ಮೇಲೆ ಹೆಚ್ಚು ಕೋಪತೋರಿಸಿದ್ದೇವೆ ಎಂದರೆ ಇವರ ಸ್ವಂತ ಲಾಭಕ್ಕಾಗಿ ನೊರಾರು ವರ್ಷಗಳಿಂದ ಜನರನ್ನು ಮೋಸಮಾಡಿ ವೇದಗಳನ್ನೇ ತಿರುಚುವ ಪ್ರಯತ್ನ ಮಾಡಿದ್ದಾರೆ. ವೇದಗಳಲ್ಲಿ ಶೂದ್ರರೂ ಸೇರಿದಂತ...